"ӘСЕМПАЗ БОЛМА ӘРНЕГЕ, ӨНЕРПАЗ БОЛСАҢ АРҚАЛАН .... АБАЙ

Алматы қаласы Жетісу ауданы КМҚК “162 бөбекжай-балабақшасында” “Әсемпаз болма әрнеге, өнерпаз болсаң арқалан… АБАЙ” тақырыбында әдеби-музыкалық іс-шара өткізілді.
 Мақсаты: өскелең ұрпаққа тағылым ретінде Абайдың рухани құндылықтарын аша отырып, ұлы ақынның мұрасын балалардың санасына сіңіру, адамгершілікке тәрбиелеу.
Іс-шараға:
-    Наймангельдиева Г.К. ,  Жетісу аудандық Білім бөлімінің бас маманы; 

-    Нұржан Қуантайұлы, жазушы, Қазақстан Жазушылар одағы төрағасының бірінші орынбасары, халықаралық “Алаш” әдеби сыйлығының лауреаты;

 -    Әлібек Шегебай,  ақын, халықаралық “Алаш” сыйлығының  лауреаты; 

-    Бұлан Жамбыл,  ақын, әнші,  Steppe&World Publishing баспасының редакторы; 

-    Жетісу аудандық мектепке дейінгі ұйым басшылары мен әдіскерлерінен құралған мобильді топ мүшелері және мектепке дейінгі ұйым ата-аналары белсене ат салысты.

 Сонымен қатар “ Күншуақ” тобының ата-аналары “Қоңыр” тобының әншісі Асанбаев Бауыржан “ Көзімнің қарасы” әнін шырқап Кемелбекова Мөлдір Абайдың 16-қара сөзімен “Әсемпаз болма әрнеге” өлеңін жатқа оқыды.